आमच्याबद्दल

पिंपळगाव घाट हे गाव बीड तालुक्यातील दक्षिण टोकावरील शेवटचे गाव आहे. या ठिकाणी रोकड्याआई या देवीचे प्रसिद्ध असे मंदिर असून दरवर्षी कोजागिरी गुरूपौर्णिमेस याठिकाणी मोठी यात्रा भरते.

याठिकाणी गोसावी समाजाचा एक सार्वजनिक मठ असून याठिकाणीही विधिवत पूजा-अर्चना होते. गावाची एकूण लोकसंख्या १०९७ असून मतदार संख्या देखील १०९७ इतकी आहे.

ऐतिहासिक पार्श्वभूमी: पिंपळगाव घाट हे गाव पूर्वी निजाम राजवटीत होते. परंतु अहमदनगर (सध्याचे अहिल्यानगर) जिल्ह्यातील इंग्रजी सत्तेविरुद्ध पिंपळगावकरांची एक महत्त्वाची भूमिका आहे.

ज्येष्ठ स्वातंत्र्य सैनिक श्री आण्णासाहेब एकनाथ तेलप यांच्या नेतृत्वाखाली याठिकाणावरून इंग्रजांना सळो की पळो करून ठेवणारे स्वातंत्र्य सैनिक या गावात होऊन गेले. गावाचा हा गौरवशाली इतिहास आजही ग्रामस्थांना प्रेरणा देतो.

सामाजिक सौहार्द: पिंपळगाव घाट याठिकाणी सर्व जातीधर्माचे लोक गुण्यागोविंदाने राहतात व सर्व धर्माचे सण, इतर कार्यक्रम मोठ्या आनंदाने साजरे करतात.

रोकड्याआई देवीची यात्रा आणि गोसावी समाजाचा मठ यामुळे गावाची धार्मिक व सांस्कृतिक ओळख अधिक दृढ झाली आहे. ग्रामपंचायत गावाच्या विकासासाठी सातत्याने प्रयत्नशील असून, मूलभूत सुविधा उपलब्ध करून दिल्या जात आहेत.